2021 жылдың басында АҚШ-та бесінші буындағы Nissan Pathfinder-дің тұсаукесері өтті. Машинаның дизайны ғана емес, техникалық жағы да өзгерген. Одан бөлек, марка инженерлері вариатордан бас тартып, модельге 9 сатылы автомат орнатты. Бірақ 3.5 литрлік мотор орнын сақтап қалды (VQ35, 288 а. к., 351 Нм).
Бір жылға жуық уақыт өткен соң Nissan ЕЭО нарығына арналған Pathfinder өндірісі басталғанын хабарлады. Көлік Ресей салондарына келер жылдың басында жеткізіледі. Біздің елге де сол уақытта келуі мүмкін.
Модель төрт комплектацияда сатылады. Базалық нұсқасы жеті қауіпсіздік жастығы, үш аймақты климат-бақылау, сонымен қатар жылыту опцияларымен жабдықталады.
Жиынтық түріне байланысты жол талғамайтын көлікте 10.8 дюймдік дисплей, цифрлы аспаптар панелі, медиакешен, панорамалы шатыр, индукциялы қуаттағыш, 11 динамигі бар BOSE аудиожүйесі, екі түсті бояу, ProPILOT Assist автономды жүргізу жүйесі мен Nissan Safety Shield 360 электронды көмекшілері болады.
Комментариев: 0