Шетелдік өнімнің шамдары мен радиатор торы біз білетін отандық УАЗ-450-ді еріксіз еске салады. Елуінші жылдары Еуропада фургондардың тұмсығы дәл солай жасалатын.
Electric Brands мамандары жасаған eBussy — электрлі күштік құрылымға ие және әртүрлі шанақта ұсынылатын модульді вэн. Drive-by-Wire құрылымы рөл мен басқыштарды оңнан солға оңай ауыстыруға мүмкіндік береді, бұл көліктің қозғалыс форматы әртүрлі елдердегі қолданысын жеңілдетеді.
Барлық eBussy қуаты 10 кВт/сағ шағын аккумулятормен жабдықталады, оның жүріс қоры 200 шақырымнан аспайды. Опция ретінде 600 шақырымды еркін еңсеруге жағдай жасайтын сыйымдылығы 30 кВт/сағ батарея орнатуға болады. Электрлі қозғалтқыштар алдыңғы дөңгелектерге орнатылған, небәрі 20 ат күшіне ие олар 1 000 Нм айналу моментін береді. Сонымен қатар, көлік төбесіне күн батареялары панелі мен энергияны қайта алу жүйесі қойылады.
eBussy-дің кәрі құрлықтағы бағасы 15 800 еуродан басталады. Ал қосымша жабдықтары бар мобильді eBussy Offroad Camper 28 800 еуро тұрады.
Комментариев: 0