e-tron GT — ең қуатты Audi

Audi компаниясы үш модификациядан тұратын e-tron GT топтамасын жаңартты. Седанның Performance деп аталатын жаңа флагман нұсқасы пайда болды. Жаңа батареяның арқасында «Етрондардың» жүріс қоры ұзаққа жетеді, күштік құрылымының қуаты артты, ал салоны технологиялық жағынан дамыды. Жаңарған e-tron GT-дің бағасы Еуропада 126 мың еуродан (шамамен 61.2 млн теңге) басталады.

Седандар екі моторлы күштік құрылыммен жабдықталған. Базалық S e-tron GT-дегі агрегат 679 ат күшін береді. Ең арзан электрокар алғашқы жүздікті 3.4 секундта еңсереді. RS e-tron GT 856 ат күші бар қондырғы алды, ол алғашқы жүздікті 2.8 секундта еңсереді, ал жаңа флагман RS e-tron GT Performance 925 ат күшінің арқасында Audi тарихындағы ең қуатты көлік болды. Ол 2.5 секундта жүзге дейін жылдамдық алады. Базалық машинаның максимал жылдамдығы — 245 км/сағ, қалған екеуінде 250 км/сағ-пен шектелген.

1 / 10

• 
• 
• 
• 
• 
• 
• 
• 
• 
• 

Audi S e-tron GT

1 / 10

Audi инженерлері қозғалтқыштар мен батареяны жеңілдетті, салмағы 9 кг азайғанына қарамастан, энергия сақтау тығыздығы артты. 105 киловатттық блоктың тиімді салқындату жүйесінің арқасында жүріс қоры 609 шақырымға жетеді. Сырт көзден қуат алу 270 кВт-тан 320 кВт-қа дейін ұлғайды, ал рекуперация жүйесі енді 400 кВт береді. Нәтижесінде батареясы 18 минутта 10-нан 80 %-ға дейін қуат алады.

1 / 10

• 
• 
• 
• 
• 
• 
• 
• 
• 
• 

Audi RS e-tron GT

1 / 10

Барлық Audi e-tron GT үдеу мен тежеу кезінде көліктің шайқалуын, бұрылыста қисаюын азайтатын жаңа аспамен жабдықталды. Опция ретінде белсенді амортизаторлар, толық басқарылатын шасси және 10 поршеньді суппорттары бар карбон-керамика тежеуіш қолжетімді. Электрокар бұралаң жолдарда бұрынғыдан жайлы жүреді.

1 / 9

• 
• 
• 
• 
• 
• 
• 
• 
• 

Audi RS e-tron GT performance

1 / 9

Автомобильдің сырт келбетіндегі жаңартулар интерьерінің спорттық имиджімен үйлеседі. Жаңа орындықтар, үстіңгі және астыңғы жағы түзу рөл, жаңа әрлеу материалдары және күңгірттігін реттеуге болатын панорамалы шатыр пайда болды. Медиажүйенің мүмкіндіктері көбейді.

Көктемде бір платформадағы Porsche Taycan электрокары да айтарлықтай жаңарды, бренд оны осы айда Қазақстанда таныстырды. Audi сияқты батареялы модель Porsche тарихындағы ең қуатты модельге айналды, Taycan күштік құрылымның өнімділігі бойынша Audi-ді артта қалдырады. Мысалы, Цуффенхаузеннен шыққан электрокардың 952 және 1109 ат күші бар модификациялары бар. Бұл Taycan мен e-tron GT-дің нарықтағы орнына байланысты.