Dacia кроссоверінің жаңа буыны Jeep-ке балама болады.
||1590
Авторы: Манас Иксанов
Прототип суретінен үшінші буындағы Dacia Duster-дің сәл үлкейіп, 2021 жылғы Bigster концептісі стилінде жасалғанын байқаймыз. Сұранысты азайтып алмау үшін марка ізбасар модельдің бағасын өсірмейді.
Үшінші буындағы Dacia Duster рендері
Бренд жаңа өнімге үлкен үміт артады. Dacia жаңа Duster Қарт құрлықта саяхатты жаны сүйетін жандарға ұнайды деп отыр, модель кейінгі кезде Еуропа нарығын жаулап алған Jeep-ке арзандау балама болуы мүмкін. Grand Cherokee-дей бола алмас, бірақ Compas немесе Renegade-пен тайталасуға мүмкіндігі бар. Бұл туралы Autocar басылымына сұхбат берген Renault Group бас дизайнері Лоренс ван ден Акер айтты.
1 / 8
1 / 8
Қытай автокөліктері, әсіресе, электромобильдерінің ЕО-да көбейіп келе жатқаны ван ден Акерді алаңдатпайды. «Барлық бренд электромобильге көшіп, қымбаттап кеткенде оған әркімнің қолы жете бермейді. Демек сапалы, арзан әрі тиімді көлік алғысы келетін адамдар қашан да табылады», — дейді ол.
JATO ақпаратына сүйенсек, Renault еншісіндегі бренд 2022 жылы Еуропада жақсы нәтиже көрсетті, ол Opel/Vauxhall, Fiat, Citroën, SEAT және Nissan-нан көп өтті. Биыл жарты жылдағы көрсеткіш одан жақсы, Dacia биыл 292 000 автомобиль сатты, бұл былтырғы нәтижеден 30 % жоғары.
Комментариев: 0