Ducati мен Lamborghini өте қымбат әрі сирек кездесетін мотоцикл шығарады

Супербайк және суперкар өндіретін қос қомпания бірлескен жобасы — Ducati Panigale V4 S мотоциклінің Panigale V4 Lamborghini деп аталатын арнайы нұсқасын көрсетті. Мамандар байк дизайнын аздап өзгертіп, жаңа жабдық қосып, бағасын жаңартты. Мотоциклдің ең қымбат әрі сирек кездесетін комплектациясы 100 400 доллар (50 млн теңгеден көп) тұрады.

Супербайк карбонмен әрленген. Panigale V4-тің артқы бөлігінің формасы өзгерді, ол суперкардың шанақ стилін еске салады. Мотоцикл түсі Lamborghini палитрасына сәйкес келеді. Орындығы да сол стильде жасалған.

1 / 10

• 
• 
• 
• 
• 
• 
• 
• 
• 
• 

1 / 10

Мотоцикл құйылған дөңгелек дискісі, Akrapovic газ шығару жүйесі, аспаптар панелінің жаңа графикасы және бірқатар алюминий детальмен жабдықталған. Көміртекті пластиктің арқасында шамамен екі келі салмақ тастады. Басқа техникалық өзгеріс жоқ.

Стандарт Ducati Panigale V4 Lamborghini-дің 630 экземпляры ғана шығады, оның құны — 78 400 доллар (40 млн теңге). Модельдің 63 дана Speciale Clienti түрленімі жарық көреді. Ол әлдеқайда жақсы әрлеу жабдықтарымен ерекшеленеді, бренд көлік иесіне фирмалық тысқаппен бірге арнайы шлем және киімжарақ береді. Мұндай техниканы тек Lamborghini иелері ала алады. Жаңа өнім қыркүйекте саудаға шығады.