Дубайдың жедел жәрдем қызметі тәртіп сақшыларынан қалыспай, жылдам жүйткитін көлікпен қозғалуға ниетті. Әмірліктегі шұғыл көмек көрсетушілер автопаркінде қажетті құрылғылармен жабдықталған Nissan GT-R, Chevrolet Corvette C7 спорткупелері мен Range Rover жол талғамайтын көлігі пайда болды.
Суперкар тізгіндеген парамедиктер алдыңғы қатарлы құтқарушылар жасағын құрып, төтенше жағдай болған орынға алғашқы болып жетеді, ал шағын автобустағы негізгі бригада олардың артынан келеді деп жоспарлануда. Dubai Corporation for Ambulance Services (DCAS) атқарушы директоры Халиф Бин Драидың пікірінше, жаңа көліктер жедел қызметтің оқиға орнына жету уақытын сегізден төрт минутқа дейін қысқартады.
Дубайдағы жедел жәрдем қызметінің спорттық автокөлікті тізгіндеуде тәжірибесі барын атап өткен жөн. Бұрын олардың құзырына Lotus Evora, Dodge Challenger және екі Ford Mustang берілген болатын.
Комментариев: 0