Дубайда Ferrari-ге негізделген спидстер сатылады

Дубайдағы премиум машина сататын дилерлердің бірі клиенттеріне Ferrari 612 TR Teppista деп аталатын ерекше көлікті ұсынды. Спидстерді Лос-Анджелестегі S-Klub ательесі SEMA көрмесіне арнап жасаған. Автомобиль БАӘ-ге қалай жеткені белгісіз, бірақ бағасы белгілі — 9 041 100 доллар (4.34 млрд теңге).

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Тюнерлер донор ретінде Ferrari 612 Scaglietti моделін таңдаған. Бірақ түпнұсқа машинаны алдыңғы панель мен рөл арқылы ғана тануға болады. Автомобильдің сырт пішіні мен шанағы толық өзгерген, 612 TR Teppista сұлбасы 1957 жылғы әйгілі Ferrari 250 Testa Rossa-ны еске салады. Спидстердің сырт пішіні ірі антиқанат, Brembo тежеуіші бар HRE дөңгелек дискісі және аэродинамикалық элементтермен толыққан.

1 / 7

• 
• 
• 
• 
• 
• 
• 

1 / 7

Осы өзгерістердің арқасында спидстер түпнұсқадан 300 мм жалпақ әрі 635 мм ұзын болды. Audison және Pioneer компонентіне негізделген аудиожүйені қоспағанда салонда үлкен өзгеріс жоқ.

S-Klub донор суперкардың күштік құрылымын электромоторға ауыстырған жоқ. 612 TR Teppista Scaglietti-дің 540 ат күшіне ие 5.7 литрлік 12 цилиндрлі стандарт моторын сақтап қалды, ол тот баспайтын болаттан жасалған жаңа газ шығару жүйесімен жабдықталған.

Суперкарды жасауға көп күш жұмсалды әрі машинаның статусы жоғары, сол үшін ол қымбат бағаланып отыр. Сатушылар донор 612 Scaglietti 2008 жылы шыққанымен, спидстер небәрі 25.3 мың шақырым жол жүргенін айтты.