Сенбі, 15 қыркүйекте Алматыда бірнеше айлық үзілістен кейін дрифт жасаудан Қазақстанның Gorilla Drift Energy чемпионаты қайта оралады. Төртінші кезең астаналық тас жолдың 76-шақырымындағы STK Sokol жолында өтеді.
Бұл кезеңге Алматы, Астана, Өскемен, Қарағанды қалаларынан және көршілес Қырғызстаннан келетін отызға жуық шабандоз алдын ала өтінім беріпті.
Шараға кіру ақылы — қарапайым билеттің құны 1500 теңгені құраса, трибунадан көруге мүмкіндік беретін билеттің құны — 2500 теңге. Алты жасқа дейінгі балалар тегін кіреді.
Жарыстың ашылуы — 15 қыркүйек күні, 13:00-де.
Жексенбі күні Алматыдағы Астана алаңында (Ескі алаң) Red Bull FMX Jams — экстремалды мотофристайл өнер көрсету топтамасы өтеді. Соңғы рет мұндай шоуға алматылықтар 2012 жылы куә болған еді. Бұл жолы Ескі алаңда Алексей Колесников, Антон Смирнов, Алексей Орехов, Александр Столирихин, Роман Мочалкин және Кирилл Гаврилов шарықтайтын болады.
Көрсетілімнің басталуы — 16 қыркүйек күні, 16:30-да.
Көрермендер еркін кіреді.
Егер автокөліктер мен мотоспортқа қарау сізді қызықтырмаса, онда 16 қыркүйек күні STK Sokol тас жолында жалға берілетін картингте өтетін әуесқой жарысқа келсеңіз болады. Бұл шараға кез келген тілек білдіруші қатыса алады. Ол үшін тек аталған орынға 10:00-де келіп, 15 мың теңге көлеміндегі бастапқы жарна төлеу жеткілікті.
Жарыс 16 қыркүйек күні 11:00-де басталады.
Көрермендер үшін кіру ақылы — 1 000 теңге.
Комментариев: 0