Dongfeng пен Nissan сутекті кроссовер жасады

Dongfeng пен Nissan бірігіп құрған Venucia маркасы алғашқы сутекті көлігін көрсетті. Жол талғамайтын машина V-Online моделіне негізделген, бірақ күштік құрылымы мен сырт пішіні одан өзгеше. Бренд отын элементімен жүретін өнімін жекелеген тұлғаларға сатуды жоспарлап отыр. Бағасы — 998 800 юань (136 мың доллар).

1 / 7

• 
• 
• 
• 
• 
• 
• 

1 / 7

V-Online отын элементтерінен тұратын жүйеге (60 кВт), 218 ат күшін беретін жалғыз мотор және литий-темір-фосфатты аккумуляторға ие болды. Жоба авторлары көліктің негізгі артықшылығы тез қуатталуында деді. Сутек қорын толтыруға небәрі 5 минут кетеді, ал «отынның» бір келісі 120 шақырым жүруге мүмкіндік береді екен.

Модельдің құны белгілі болғанмен, Venucia оны жақын арада саудаламай, алдымен Гуанчжоудағы аудандардың бірінде сынақтан өткізеді. Бренд BMW сияқты бірнеше кроссоверді серіктестеріне таратып беріп, шынайы уақыт режимінде тестілеуді көздеп отырса керек.

Қытайда қаңтар мен қыркүйек аралығында үш мыңға жуық сутекті көлік сатылды. Қытайдың ауқымын ескерсек, бұл аса көп емес, бірақ былтырмен салыстырғанда мұндай машина алатындардың саны 40 % артқан. Аспан асты елінде GAC, Changan және SAIC сутекті машина шығаруға ниетті.