2023 жылы күзде Zeekr 007-нің тұсаукесерінен кейін Dongfeng сонымен аттас электромобилін көрсетті. Автомобиль eπ деп аталады. Марка ол кезде машинаның фотосуреті мен сипаттамасын ғана жариялаған, енді құны белгілі болды.
5 метрлік eπ 007 Қытайда 159 600 юань (10 млн теңге) тұрады. Бұл ақшаға клиент 200 Pro индексті гибрид алады, капот астында генератор рөлін атқаратын 1.5 литрлік бензинді мотор бар. Автомобильдің күштік құрылымы 217 ат күші мен 310 Нм береді. Артқы осьте орналасқан электромотор сыйымдылығы 28.4 кВт*сағ батареядан қуат алады. Машина электрлі режимде 200 километр жол жүреді, ал жалпы жүріс қоры — 1200 км.
Біраз ақша қосып 217 күшке ие электромотор және сыйымдылығы 56.8 кВт*сағ батареямен жабдықталған электрокар алуға болады. Жүріс қоры 530 километр болатын 530 Pro түрленімінің бағасы — 166 600 юань (10.4 млн теңге).
271 ат күшіне ие (320 Нм) моторы, 70.3 киловатт батареясы бар 620 Pro нұсқасы 179 600 юань (11.3 млн теңге) тұрады. Оның жүріс қоры — 620 км.
Топтамадағы ең үздік модель 540 Max деп аталады. Лифтбектің екі электромоторы 544 ат күші мен 640 Нм береді. Машина 620 Pro сияқты 70.3-киловатт батареямен жабдықталған. Бірақ жүріс қоры — 540 шақырым. Бағасы — 199 600 юань (12.5 млн теңге).
Машина биыл наурызда саудаға шығады, модельге қатысты толық ақпарат соған дейін белгілі болады. 15.6 дюймдік экраны бар медиакешен Qualcomm Snapdragon 8155 чипімен жұмыс істейді. Аспаптар панелінің қызметін 8.8 дюймдік дисплей атқарады.
2024 жылғы сәуірде Dongfeng eπ брендінің екінші моделі, 008 индексті кроссовер жайлы ақпарат жариялайды.
Комментариев: 0