Дональд Трамп мінген Lamborghini Diablo сатылады

Barrett-Jackson аукционы қаңтардың аяғында 1997 жылғы Lamborghini Diablo VT родстерін саудаға шығарады. Машина Дональд Трамптың арнайы тапсырысы бойынша жасалған, біршама ерекшелігі бар. Суперкар одометрі 24 836 миль (40 мың км) көрсетіп тұр, бірақ Carfax жүйесі бұл көрсеткіш көліктің нақты жүрген жолына сәйкес келмейтінін анықтады.

Сатушылар 1990 жылдардың екінші жартысында Дональд Трамп пен Lamborghini арасында жарнамаға негізделген ерекше қарым-қатынас болғанын хабарлады. Сондықтан кәсіпкер родстерге тапсырыс бергенде ерекше шанақ түсін таңдаған.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Blu Le Mans түсі ол кезде Diablo палитрасына қосылмаған, бірақ шеберлер Трамп үшін осы реңкті қолданды. Сондай-ақ жүргізуші есігінде Donald Trump 1997 Diablo деген жазуы бар. Италиялық компания 1997–1999 жылдары АҚШ нарығына арнап 132 дана Diablo VT родстерін шығарған.

Родстер 492 ат күшіне ие (580 Нм) 5.7 литрлік V12 моторымен жүреді. Агрегат 5 сатылы механика және толық жетек жүйесімен жұмыс істейді, суперкар 60 мильге дейінгі жылдамдықты 4.1 секундта еңсереді.

Трамп автомобильді 2002 жылға дейін пайдаланды, одан кейін суперкардың тағы екі иесі болған. Одометр көрсеткішін кім өзгерткені белгісіз.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Желтоқсанда атақты адамдар мінген тағы бір-екі Lamborghini аукционға шықты. Мамандар «The Wolf of Wall Street» («Волк с Уолл-стрит») фильмінде Леонардо Ди Каприо басқарған Countach-ты (апатқа ұшыраған) 1.5–2 млн долларға сатуды көздеген. Бірақ соңғы баға 1.35 миллионға ғана жетіп, көлік өтпеді. Бірақ бұл Countach үшін рекордтық баға болды. Дегенмен бірнеше күннен кейін суперкардың фильмдегі дублёрі, екінші Countach рекорд жаңартып, 1 655 000 долларға өтті.