Домалақ тачскрині бар электрлі Mini

Сәуірде Mini маркасы үш есікті Cooper Electric-ті көрсетті, ал жақында фототыңшылар машина салонын түсіріп алған. Көздің жауын алатын бірінші нәрсе — дөңгелек тәріздес көп функциялы сенсорлық экран.

1 / 4

• 
• 
• 
• 

1 / 4

9.4 дюймдік (240 мм) OLED-тачскрин үш бөліктен тұрады. Жоғарғы бөлігіне аспаптар көрсеткіші шығады, ортаңғысы ақпараттық ойын-сауық жүйесімен жұмыс істеуге бағытталған, ал соңғы бөлігіне өндіруші климаттық басқару элементін, мобильді құрылғылармен байланыс, навигациялық затбелгі т.б. орнатты. Жүргізушіге арналған жедел ақпаратты көрсету үшін бақылау тақтасында проекциялық дисплей бар.

Компания клиент рөл дизайнын таңдап, Vibrant Silver-мен әрленген салонға, шынтақ тірегіші бар орындыққа тапсырыс бере алатынын растады.

Концерн жүріс параметрін екі градацияда ұсынады. Базалық Cooper 181 ат күшіне ие электромотор және сыйымдылығы 40.7 кВт·сағ батареямен жабдықталады. Ал қуатты Cooper SE моделіне 215 ат күшін беретін қозғалтқыш пен 54.2 кВт·сағ аккумулятор орнатады. Көліктің жүріс қоры 300–400 шақырымға жетеді.

1 / 4

• 
• 
• 
• 

1 / 4

Cooper Electric-ті Лейпцигтегі BMW зауытында шығарады. Өндірісті биыл күзде бастау жоспарланған. Бағасы да сол кезде белгілі болады, бірақ құны АҚШ-та 31 мың доллар тұратын Mini Cooper SE-ден сәл-ақ асады.