Dodge баспасөз қызметі ұрлыққа қарсы ерекше функция жасалғанын хабарлады. Жаңа функция Dodge Charger SRT седанына және Challenger SRT купесіне жылдың екінші жартысынан бастап орнатылады. Ол жаңа көліктерге зауытта қойылады, ал 2015 жылдан кейін шыққан ұқсас модельдерге ресми дилерлер ақысыз орнатып береді.
Ол үшін ешқандай жабдықты өзгертудің қажеті жоқ, тек бағдарламаны жаңарту жеткілікті. Жүйе қалай жұмыс істейді? Егер қаскөй механикалық құлыпты бұзып, қозғалтқышты іске қосса, қорғаныс электроникасы қосылады да, газ педалін өшіріп, мотордың Idle speed-тен жоғары айналуына жол бермейді. Тым баяу қозғалып бара жатқан машина полиция мен адамдардың назарын аударатыны сөзсіз. Көлік иесі медиажүйенің экранына кодты енгізу арқылы құлыпты шеше алады.
Комментариев: 0