Энергетика министрі Қанат Бозымбаевтың сөзінше, дизельді отын бағасындағы айырмашылық 60-70 теңгені құрайды. Ал шекараның ашық екенін ескерсек, мекеме отын нарығын қорғауы тиіс.
«Бізде балама жоқ, қазақстандық өндіріске тән дизельді отын құны литріне 250 теңгені құрау керек. Дизельді отынның бағасы осы межеге жетеді, бірақ оны бірден қымбаттатуға болмайды. Оның үстіне отын қоры жеткілікті. Алайда қазіргі таңда отынды көлеңкелі жолмен сыртқа шығару әрекеттері бар», — деп қорытындылады министр.
«Біз қазір құжат дайындап, тиісті мекемелермен келісудеміз, одан кейін құжатты сайтта жариялаймыз, 10 күннен соң мен оған қол қоямын. Біз желтоқсан айында жарты жылға тыйым саламыз деп ойлаймын. Бұл тек дизельді отынға ғана қатысты, ал тыйым экспорттауға салынады», — деп нақтылады министр.
Естеріңізге сала кетейік, 2018 жылдың жазы ауыр отын бағасының кезекті рет күрт өсуімен есте қалды. Дизель құны литріне 193 теңгеге дейін көтеріліп, елдегі ірі желілердің жанармай бекеттерінің барлығында дерлік ол Аи-98 маркалы отыннан қымбат бола түскен.
Комментариев: 0