АВТОВАЗ дилерлерге жаңа Lada Vesta-ны сатар алдында қайта бояуды тапсырды. Avtograd News «ВКонтакте» парақшасы хабарлағандай, «Веста» сатып алған тұрғындар да осы мәселе бойынша дилерге барса болады.
Бұған дейін желіде тараған жаңа Lada Vesta суретінен шанақтың кей элементінің түсі өзгеше екені байқалған. Мысалы, бампер, есік тұтқасы және спойлер уақыт өте сарғайып кетеді екен. Сондай-ақ кей көлік конвейерден шыққанда артқы парктронигі мүлде боялмағаны белгілі болды. Мұндай мәселе көбінесе ақ «вестада» кездеседі, проблема сұр түсті машиналарда да бар.
Автомобиль шанағы сапасыз боялып, кейін ашық тұрақта тұрғандықтан, шанақ детальдары сарғайды деген болжам бар.
Инсайдерлер дилерлік орталықтар мұндай машинаны қабылдаудан бас тартқанын хабарлады, ал зауытқа қайта апарып жөндеуге жеткілікті ресурс жоқ екен. Қазір өндіруші мен дилерлер келісімге келген сияқты, автосалондар көлікті тұтынушыға берер алдында қайта бояйды.
Бұған дейін жаңа Lada Vesta ЭРА-ГЛОНАСС батырмасы, аспаптар панелінің элементтері сияқты кей бөлшекпен толық жабдықталмағаны белгілі болған. «Российские автомобильные дилеры» қауымдастығының басшысы Алексей Подщеколдин мұндай машинаның үлесі 70 %-дан асатынын айтты. Бұған бөлшек жетіспеуі себеп болып отыр, зауытқа қажет деталь келген кезде «вестаны» дилерлер өздері қайта жабдықтайды.
Комментариев: 0