Ұлыбританиядағы Бирмингем қаласында өтетін аукционға 1994 жылғы Audi 80 кабриолеті қатысады.
Машинаның жағдайы жақсы, әрі жүрген жолы да көп емес — 35 мың шақырым. Алайда оның басты ерекшелігі тарихында. Бұл көлік Диана ханшайымға тиесілі болған.
Кабриолетке 5 цилиндрлі 2.3 литрлік қатарлы қозғалтқыш орнатылған. 131 ат күшін беретін мотор 4 сатылы автоматпен жұптаса жұмыс істейді.
Аукцион 28 наурызда өтеді. Сатушылар аталған темір тұлпардан 46 мыңнан 52 мың долларға дейін пайда таппақ ниетте. Бұл Audi-дің алғаш рет сатылып тұрмағанын айта кеткен жөн. Соңғы рет ол 2016 жылы бәс саудаға қатысқан болатын. Ол кезде көлік 78 мың көк қағазға бағаланған.
Audi 80 Қазақстанда танымал көліктердің бірі. Kolesa.kz порталынан B4 шанағындағы автокөліктің 900-ге жуығын көруге болады. Бағасы 200 мыңнан басталып, 2.2 млн теңгеге дейін барады.
Комментариев: 0