Denza Қытайда Z9 GT моделіне тапсырыс қабылдай бастады

BYD мен Mercedes-Benz-ке тиесілі Denza маркасы 5.2 метрлік шутингбрейкке алдын ала тапсырыс қабылдап жатыр. Ол Porsche Panamera-ның бәсекелесі болады екен.

Z9 GT-дің ішінде үш ірі дисплей тұр, опция ретінді ұсынылатын тағы екеуін қосуға болады. Соңғысына артқы көрініс камерасының деректері шығады. Ортаңғы консольде екі сымсыз қуаттағыш, ал орындықтар арасындағы ұсақ-түйек салатын жәшікте 4 литрлік тоңазытқыш бар. 10 литрлік тағы біреуі артқы қатардағы шынтақ тірегіште орналасқан.

1 / 3

• 
• 
• 

1 / 3

Denza Z9 GT гибрид (PHEV) және электромобиль түрінде сатылады. Бірінші нұсқа 203 ат күшіне ие 2 литрлік турбомотор және жалпы 858 ат күшін беретін үш электромотормен жүреді. Гибрид режимдегі максимал жүріс қоры — 1100 км.

Одан бөлек модельде 952 ат күшіне ие үш электрлі қозғалтқыш бар. Олардың күшімен хетч 630 шақырымды еркін еңсереді. Электромобиль алғашқы жүздікті 3.4 секундта алады.

Бензин-электрлі Denza Z9 GT-дің бағасы 339 800 юаньнан (шамамен 22.6 млн теңге) басталады. Гибридтің үздік нұсқасы 419 800 (27.9 млн теңге) тұрады. Электромобильдің ең арзаны үшін бренд 359 800 юань (23.9 млн теңге) сұраса, ең қымбатын 389 800 юаньға (25.9 млн теңге) бағалап отыр.

Denza Z9 GT Қытай салондарына биыл қыркүйекте шығады. Марка өнімін болашақта Еуропаға жіберуге ниетті.