Delica D:5-тен жасалған футуристік минивэн

Жапониядағы Kuhl тюнинг-ательесінің Vrarva деп аталатын бөлімшесі жаңа жобасын таныстырды. Ол 2018 жылы рестайлингтен өткен Mitsubishi Delica D:5 минивэніне негізделген. Тюнерлер автомобильге футуристік сипат беріп, әскери стильде әрлеуді мақсат етіпті.

Orcus атауын алған машина Delica екенін алдыңғы жарық техникасы мен әйнегінен аңғаруға болады. Тюнинг жинағы ірі қанат қаптамасын, Dunlop Grand Trek AT5 шинасымен қапталған 17 дюймдік Vrarva DW01 дискілерін, 4 дюймдік лифт-китті қосқанда 16 элементтен тұрады.

1 / 9

• 
• 
• 
• 
• 
• 
• 
• 
• 

1 / 9

Автомобиль салонында өзгеріс бар ма, жоқ па, белгісіз. Моторы туралы да ақпарат жоқ. Бірақ ателье көрсеткен машина Delica D:5-тің 145 ат күшін беретін 2.3 литрлік агрегаты бар дизельді нұсқасына негізделген.

Пакет құны — 18 098 доллар. Бұл ақшаға орнату жұмысы да кіреді. Компания одан бөлек дайын Vrarva Orcus сатуғаниетті, ол 39 967 доллар тұрады.