Dacia үлкен әрі қуатты Bigster кроссоверін көрсетті

Компания төрт жыл бұрын концепт ретінде таныстырған Bigster моделінің сериялық нұсқасын ұсынды. Кроссовер «Дастердің» ұзарған платформасына негізделген және сырт келбеті де ұқсас, бірақ басқа күштік құрылыммен жабдықталған. Оған негізі гибрид моторлар кіреді. Жаңа өнім 2025 жылы Еуропадан тыс елде Renault брендімен саудаланады.

Флагмандық кроссовер танымал Duster-ден тек көлемімен емес, дизайнымен де ерекшеленеді. Екі модельдің шанақ сұлбасы, жарық техникасы және ірі қаптамасы бар дөңгелек аркасы ұқсайды, бірақ Bigster өзіне тән бампер және ендірмелері бар жаңа артқы тірек алды. Мамандар кроссовер үшін көк түсті шанақ бояуы мен 19 дюймдік дискілер жасаған. Bigster — екі түсті бояуы бар Dacia-ның алғашқы моделі.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Bigster «Дастерден» айтарлықтай үлкен: ұзындығы 230 мм артты, ал ось арасындағы қашықтығы шамамен 50 мм ұзарды. Ұзындығы — 4.57 метр, дөңгелек базасы — 2.7 метр, соның арқасында көлікті үш қатарлы қылуға мүмкіндік бар, бірақ Dacia мұндай шешімнен бас тартып, Jogger моделінің бәсекелесін жасамауды шешті. Bigster бес орынды болып қалды, бірақ көлемі 667 литрге жететін үлкен жүксалғыш алды. Клиренсі — 220 мм.

Bigster-дің базалық жабдықтар тізіміне диодты оптика, 17 дюймдік дөңгелектер және 7 дюймдік цифрлы аспаптар панелі мен 10.1 дюймдік орталық экраны бар медиажүйе кіреді. Қымбат нұсқаларында екі аймақты климат-бақылау, Arkamys аудио жүйесі, панорамалы шатыр, сымсыз қуаттағыш және алғаш рет Dacia көліктерінде қолданылатын басқа да опциялар бар. Мысалы, орындық арасындағы салқындатқыш бокс, электрлі жетегі бар жүксалғыш есігі және бейімді круизбен жабдықталады. Салон әрлеуінің бірнеше нұсқасы ұсынылған.

1 / 11

• 
• 
• 
• 
• 
• 
• 
• 
• 
• 
• 

1 / 11

Ең қымбат Bigster Renault концерні алғаш рет қолданған күштік құрылым алады. Бұл гибрид 107 ат күшіне ие 1.8 литрлік іштен жанатын қозғалтқыштан, 50 ат күшіне ие электромотордан және стартер-генератордан тұрады. Жалпы қуаты — 155 ат күшіне тең, автомобиль тек алдыңғы жетекті. 140 ат күші бар 1.2 литрлік жұмсақ гибрид турбомоторы, қарапайым және екі түрлі отын тұтынатын пропанға арналған қосымша багы бар екі арзан нұсқасы моножетекті болады, жүріс қоры 1450 шақырымға жетеді.

Тек кіші Bigster толық жетекті болады, бірақ электромоторы жоқ 130 ат күшіне ие турбомотормен жүреді. Бұл қозғалтқыш 6 сатылы механикалық қораппен жүптасады. Сондай-ақ мұндай кроссовердің артқы осі көп иінтіректі, ал басқа нұсқалардың аспасы жартылай тәуелді. Болашақта Bigster-дің артында қосымша электромоторы бар толық жетекті гибрид нұсқасы да пайда болуы мүмкін.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Жаңа модель нарыққа қашан шығатыны 14 қазанда Париж автосалонында өтетін Dacia Bigster-дің тұсаукесерінде белгілі болатын сияқты.