Водителям, не успевшим поменять резину, стоит поторопиться

Дөңгелегін ауыстырып үлгермеген жүргізушілердің бұл істі тездеткені жөн

Синоптиктердің болжауынша, әлі де жылы ауа райы сақталып тұрған өңірлерді әне-міне дегенше аяз құрсауына алатын көрінеді.

Өткен демалыс күндері жауын-шашынға қарамастан, күн мамыражай болған еді. Ауа температурасының ауытқуы оңтүстік-шығыста +3… 8 °С және шығыста +14 °С мөлшеріне дейін жетті,- деп хабарлайды Қазгидромет. Алайда Ресейдің орталық аудандарынан Қазақстанның солтүстік аймақтарына жылысқан циклон мен онымен байланысты атмосфералық ауа ағымдары әлден-ақ жауын-шашын шақырған. Әрі қарай ел аумағы арқылы шығысқа қарай бағыт алған суық ауа ағымдары қар басу, бұрқасын, көктайғақ пен күшті батыстық және солтүстік-батыстық желдің тұруына әкеп соғады екен, ал оңтүстік-шығыста жаңбыр жауып, арты қарға айналады. Таулы аудандар мен тау етегіндегі аймақтарда 31 қазан мен 1 қараша аралығында қатты жауын-шашын күтілуде, сондай-ақ, Қазақстанның барлық аумағында күн күрт суытады.

Жақын күндері Алматыда сынап бағаны +18 °С мөлшеріне дейін көтерілгенімен, осы бейсенбіде қала мен оның маңайында қарлы жаңбыр күтілуде, ал түнгі мезгілде метеорологиялық сайттардың болжамына сәйкес, келесі дүйсенбіге дейін сақталатын аяз ( −7 °С-қа дейін) болады екен. Содан кейін біршама жылынады, алайда, жаздық мамыражай күндердің қайта оралмасы анық.

Комментариев: 0

Чтобы оставить комментарий, вам необходимо зарегистрироваться или авторизоваться.