Cybertruck қосарлы дөңгелекпен жүреді

Флоридада орналасқан Reds Miami шеберханасы Cybertruck-тан dually жасады, яғни артқы жағына қосарлы дөңгелек орнатты. Heavy Duty категориясындағы ауыр жүк көлігі үшін мұндай опцияның маңызы зор, ал Tesla-да ол пикапты жолда өзге машинадан ерекшелеп тұратын әшекей ғана.

Америкадағы тюнерлер арасында аса танымал Diesel Wheels дискісінің диаметрі — 26 дюйм, олар 35 дюймдік шинамен қапталған. Оның үстіне, машинаның артқы осінде екі емес, төрт дөңгелек қабы тұр.

Дөңгелек сыю үшін шеберлер көліктің қанатындағы қуаттау кабелін ұзартып, арнайы арка кеңейткіш жинағын жасауға мәжбүр болған. Дегенмен, рөлмен бұрылатын артқы ось өз функциясын сақтап қалыпты.