Қазақстан халқына жолдауында мемлекет басшысы Қасым-Жомарт Тоқаев 13 шілдені Жалпы ұлттық аза тұту күні деп жариялады.
— Эпидемия біртуар азаматтарды арамыздан алып кетті. Ресми мәліметтің артында жүздеген отбасының қайғысы жатыр. Адамдар әкесін, анасын, бауырын, ұлы мен қызын жоғалтты. Қаза тапқан жандардың жақындарына қайғырып көңіл айтамын. Бұл бәрімізге ортақ трагедия. Сондықтан мен 13 шілдені пандемия құрбандарын Ұлттық аза тұту күні деп жариялау жөнінде шешім қабылдадым. Бұл күні әрбіріміз қайда болсақ та, өмірден озғандарды құрметпен еске аламыз, — деп мәлімдеді президент.
Нұр-Сұлтан уақытымен 12:00-де ел бойынша коронавирустан көз жұмғандарды еске алу минуты өтеді.
Комментариев: 0