Corvette-ке негізделген Callaway C12 сатылады

Америкадағы аукцион порталдардың бірі аса танымал емес Callaway Cars компаниясының сирек кездесетін машинасын сатуға қойды. Callaway C12 спорткарының шанақ астында C5 индексті Chevrolet Corvette жатыр.

1 / 8

• 
• 
• 
• 
• 
• 
• 
• 

1 / 8

Көміртекті пластик пен кевларден жасалған шанақ панелінен бөлек Callaway C12 жаңа аспа, Alcon тежеу жүйесі, былғарымен қапталған салон және күштік құрылымындағы өзгерістермен ерекшеленеді. Компания клиенттерге стандарт 5.7 литрлік V8 моторының тюнинг нұсқасын немесе 6.2 литрлік қозғалтқышты ұсынды. Біз сөз етіп отырған машина соңғы мотормен жүреді. Ол 482 ат күшіне ие, 632 Нм момент 6 сатылы механика арқылы артқы дөңгелектерге беріледі. Көліктің ең жоғары жылдамдығы — 309 км/сағ.

Бұл экземпляр 1999 жылы шыққан, 2004 жылы оны әйгілі америкалық шабандоз кіші Дэйл Эрнхардт сатып алды, ол — екі дүркін NASCAR чемпионы және екі дүркін Daytona 500 жеңімпазы. Шабандоз машинаға 2015 жылға дейін иелік етті, оны сатып аларда қазіргі иесі кіші Эрнхардттың қолтаңбасын алған. Спорткар 25 жылда 24 677 миль (40 мың км) жол жүріпті.

1 / 11

• 
• 
• 
• 
• 
• 
• 
• 
• 
• 
• 

1 / 11

Callaway мамандары 2022 жылы C12-ні толық тексеріп, жөндеген. Шеберлер амортизаторын ауыстырып, генераторды жөндеді және климат-бақылау жүйесін жаңартты. Автомобильдің жағдайы өте жақсы, қазір пайдалана беруге дайын. Жаңа иесіне спорткардан бөлек болашақта салонды қаптауға қажет болуы мүмкін бір қорап былғары беріледі.

1997–2001 жылдары шыққан 19 дана Callaway C12-нің біріне қазір клиенттер 80 000 доллар ұсынып отыр. Бағасы 100 мыңнан асуы мүмкін. Ал жаңа C12 200 мың доллар тұрады.