Cирек кездесетін Mercedes-Benz SL сатылады

1990 жылдардың аяғында Mercedes-Benz концернге жаңа қосылған AMG-мен бірге 7.3 литрлік V12 моторымен жүретін 50–85 дана SL 73 AMG шығарды. Соның бірін Collecting Cars аукционы сатуға қойды, бәссауда аяқталуға бірнеше күн қалды, көлік бағасы қазір 201 500 фунтқа (116.2 млн теңге) жетті.

7.3 литрлік мотор сол кездегі стандарт 6 литрлік V12 негізінде жасалған. Қозғалтқыштың көлемі ұлғайды әрі жаңа білік, титан поршень, жаңарған клапан жүйесі, басқа газ шығару жүйесі және т.б. заттармен жабдықталды. Бұл күштік құрылым Mercedes-Benz тарихындағы ең көлемді агрегаттардың бірі болды.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

SL 73 AMG моторы 525 ат күші мен 750 Нм береді, ол 5 сатылы автоматпен жұптасады. Гранд-турер алғашқы жүздікті 4.5 секундта еңсереді. Ең жоғары жылдамдығы сағатына 250 км-ге шектелген. Егер шектеуді алса, автомобиль 320 км/сағ жылдамдықпен жүре алады.

Біз сөз етіп отырған экземпляр стандарт SL 600 ретінде шығып, Бруней королі отбасының коллекциясында сақталған. SL 73 AMG түрленімі шыққан соң мамандар гранд-турерді зауытқа қайта жеткізіп, күштік құрылымын жаңартты және сырт пішіні, аспасы, интерьерін өзгертті.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Mercedes-Benz SL 73 AMG-дің аз жол жүргені жанкүйерлер назарын аударып отыр. Модельдің оң рөлді екі данасы ғана шыққан, бұл соның бірі. Машина 2017 жылдан бері Ұлыбританияда тұр.