Chrysler Styling Special by Ghia сатылады

Әдетте көптеген концепт тартымдылығын сақтап қала алмайды. Бірақ 1950 жылдардың бірінші жартысында бірінен соң бірі жарық көрген Chrysler өнімдері уақыт сынағынан сәтті өтіп, әлі күнге дейін автомобиль сұлулығының эталоны саналады.

1 / 5

• 
• 
• 
• 
• 

1 / 5

Оларды дизайнер Вирджел Экснер жасаған, ол 1949 жылы концерн басшысы Кауфман Тума Келлердің жұмысына тікелей атсалысты. Ол Chrysler-ге жаңа имидж жасауға жауапты болды. Экснердің идеясын әйгілі Ghia шанақ ательесі жүзеге асырды.

Chrysler Styling Special 1952 жылы Chrysler K-310 купесі (суретте K-310 және капотқа сүйенген Экснер, олардың қасында Ghia директоры Луиджи Сегрэ тұр) мен Chrysler C-200 кабриолетінен кейін шықты. Концепті әдеттегідей сериялы модельге негізделген, атап айтқанда, екі есікті New-Yorker негізінде жасалған.

Экснер жасаған шоукарлар керемет жетістікке жеткендіктен, ол 1953 жылы Chrysler-дің бас стилисі, ал төрт жылдан кейін вице-президенті болды. Нәтижесінде Крайслер брендінің Plymouth, Dodge, DeSoto, Chrysler және Imperial сияқты өнімдері жақсы дамып, GM мен Ford-қа үлгі болды.

1 / 6

• 
• 
• 
• 
• 
• 

1 / 6

Chrysler Styling Special by Ghia түрлі көрме мен шоуларға қатысып, кейін Blackhawk мұражайында сақталды. Ғасыр басында жөндеуден өтіп, жаңа V8 Hemi моторы орнатылған автомобильді Огайо штатында тұратын коллекционер Ричард Скотт сатып алған, ол 2006 жылы машинаны әріптесі Майкл Шудроффқа берді. Ал ол көлікті қазіргі иесіне сатқанға дейін түрлі конкурсқа апарып тұрды.

Тарихи концептінің иесі 15 тамызда Монтерейдегі (Калифорния) RM Sotheby’s аукционында ауысады. Бағасы 500 000–650 000 доллар арасында болады.