Chevrolet енді Қырғызстанда да құрастырылады

Өндіріс Қырғызстандағы Шу облысының Ак-Суу ауылында (Бішкектен 50 км қашықтықта) Tulpar Motors өнеркәсіп алаңының құрылысы басталғаннан бір жыл өткен соң басталды, бұған 50 млн доллар инвестиция бөлінгенін Автострада.uz хабарлады.

UzAuto Motors жеткізетін машина жинақтарынан Chevrolet Cobalt, Onix және Tracker ірі торапты әдіспен жасалады. Зауытта қызметкерлер алдыңғы және артқы аспаны, қозғалтқыш пен беріліс қорабын, жарық техникасын, бампер мен дөңгелекті дайын шанаққа орнатады.

Болашақта Tulpar Motors топтамасына Isuzu коммерциялық техникасы қосылады.

Алғашқы жылы өндіріс көлемі шамамен 10 мың авто болады, алты жыл ішінде көрсеткіш үш есе өседі. Бірлескен кәсіпорын өнімдері мемлекеттік сатып алу және утиль алымын төлеу кезінде жеңілдік алады, автонесиеге субсидия беріледі. UzAuto Motors автомобильдері мен олардың құрамдас бөлшектері салық пен кедендік баждан босатылған.