Chevrolet Corvette-тің жаңа буыны қандай болады

General Motors Corvette қалай өзгеретінін көрсететін концептілерінің бірін таныстырды. Оны GM-нің Ұлыбританиядағы жаңа дизайн-студиясы жасаған. 2025 жылы басқа бөлімшелер де осы тақырыпта бірнеше машина ұсынады, марка оларды тоғызыншы буындағы Chevrolet Corvette-тің дизайнын жасауға пайдалануы мүмкін.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Прототипке қарап Corvette-тің сырт пішіні мүлде басқаша болады деуге негіз бар. Машина футуристік көрінеді, негізінен авиация стилінде жасалған, бірақ дизайнерлер ескі модельдердікіне ұқсайтын ерекшеліктер бар екенін айтты. Мысалы, екіге бөлінген артқы әйнегі 1963 жылғы Corvette Stingray-ді еске салады.

Автомобильдің алдыңғы әйнегі де екіге бөлінген, бірақ бұл Формула-1 болидтеріне ұқсайды. Прототиптің есігі «шағала қанаты» сияқты ашылады.

Жоба авторлары суперкар жарыс трассасына арналған аспаға негізделуі мүмкін деді. Ол электромотормен жүреді. Прототиптің ұзындығы — 4669 мм, биіктігі — небәрі 1033 мм. Жүргізуші креслосы жерден 127 мм ғана биік орналасқан. Көлік әдеттегі жол немесе спорттық трекке байланысты шанақ құрылымын өзгертетін аэродинамикалық элементтермен жабдықталған.

Концептінің жарық көруі Еуропада Corvette саудасын бастауға дайындық жүріп жатқанын білдіреді.

Концерн спорткар дизайнын жаңарту жобасына тағы қандай бөлімшелер қатысатынын және Corvette-тің жаңа буыны қашан шығатынын айтқан жоқ. GM-нің АҚШ, Қытай және Оңтүстік Кореяда бірнеше студиясы бар. Эксперимент ұзақ уақытқа созылуы мүмкін.