Chevrolet Cobalt пен Toyota Ipsum соғылып, жеті адам көз жұмды

Қайғылы оқиға 16 шілде сағат 15:00 шамасында болған. Атырау облыстық полиция департаменті хабарлағандай, Доссор — Құлсары — Бейнеу тас жолының 82-шақырымында Chevrolet Cobalt пен Toyota Ipsum бетпе-бет соғылыпты. «Кобальт» жүргізушісі мен төрт жолаушысы және «Ипсум» жүргізушісі мен жолаушысы оқиға орнында қаза тапты. Тағы екі жолаушы Жылыой ауданы ауруханасына жеткізілді.

Оқиға орнынан түсірілген суретке қарағанда, бір автомобиль «Басып өтуге болмайды» жол белгісін елемеген көрінеді.

Департамент өкілдері қаза тапқан екі жүргізуші бұған дейін жылдамдық асырғаны үшін бірнеше рет жазаға тартылғанын хабарлады. Полиция жол апатының мән-жайын анықтап жатыр.