Chevrolet 1064 ат күшіне ие жаңа Corvette-ті көрсетті

Компания ZR1 индексті Corvette-тің флагмандық нұсқасын таныстырды, модель гиперкар сегментіне шықты. Негізгі артықшылығы — 1064 ат күшін беретін 5.5 литрлік V8 қозғалтқышы. ZR1 бірегей аэродинамикасымен және жақсарған жүріс бөлігімен ерекшеленеді. Гиперкар өндірісі 2025 жылы басталады.

5.5 литрлік V8 LT6 моторы Corvette Z06 арқылы белгілі, ол компрессорсыз 670 ат күшін береді. Инженерлер ZR1 үшін агрегатты жақсартып, LT7 индексін берді. Турбокомпрессордан басқа, қозғалтқыш жаңа бастиекпен, соғылған поршеньдермен, арнайы иінді білікпен, ерекше ауа өткізгіш жүйесімен жабдықталған. Мотор Corvette-тегі стандарт 8 сатылы роботпен жұптасқан.

Америкалық гиперкардың салмағы 1665 кг бола тұра күштік құрылымы 1064 ат күшін және 1123 Нм момент береді. Қуат пен салмақ қатынасы бойынша машина Bugatti Veyron-нан асып түседі. Жаңа өнім Ferrari SF90 Stradale, Lamborghini Revuelto және Mercedes-AMG One сияқты еуропалық бәсекелестерінен де қуатты болып шықты. Олардың барлығында бензоэлектрлі жетек орнатылған. ZR1-дің болжамды максимал жылдамдығы — 350 км/сағ, ол төрттен бір мильді 10 секундтан аз уақытта өтуі керек.

1 / 5

• 
• 
• 
• 
• 

1 / 5

Гиперкардың базалық нұсқасы сырт келбеті жағынан басқа Corvette-тен аса ерекшеленбейді, дегенмен ол артқы терезені бөліп тұратын карбоннан жасалған элемент сияқты жаңа шанақ компоненттерімен жабдықталған. Мұндай «корвет» сұсты көріну үшін опция ретінде жүретін ZTK пакетін орнатуға болады, оған басқа капот, үлкен антиқанат және ірі сплиттер кіреді. Жинақ гиперкарды жарыс жолына бейімдеуге арналған, сондықтан ол басқа серіппе, қайта бапталған амортизаторлар және трек шиналарын алды. Сонымен қатар көлікке 400 миллиметрлік дискілері бар карбон-керамикалық тежеуіш және көміртекті пластик дөңгелектер қосуға болады.

1 / 6

• 
• 
• 
• 
• 
• 

1 / 6

Chevrolet Corvette ZR1 тарихтағы ең қуатты әрі ең қымбат «корвет» болады, дегенмен бағасы өндіріс басталғанға жақын қалғанда, шамамен бір жылдан кейін жарияланады. Компания гиперкарды сынақтан өткізу үшін премьераны ерте өткізді, өйткені камуфляжбен қаптау көрсеткіштерге әсер етеді. Жаңа модель саудаға купе ретінде де, кабриолет нұсқада да шығатыны белгілі болды.

Автомобиль Corvette E-Ray-дегі гибрид «қондырмадан» айырылғанын Америкадағы баспасөз айта кетті, соның арқасында қуаты артып қана қоймай, толық жетекті болды. Теориялық тұрғыда осы қондырма және ZR1 қозғалтқышының үйлесімі одан да қуатты және жылдам Corvette жасауға мүмкіндік береді. Мұндай модификация туралы сыбыс ұзақ уақыт бойы айтылып жүр. Оны түпнұсқа модельді жасаған Захария Аркус-Дантовтың құрметіне Zora деп атауы мүмкін.