Chery «жол талғамайтын» iCar V23 моделін ұсынады

Chery Қытайда iCar топтамасына кіретін жаңа электрокарын сата бастады. V23 индексті шағын кроссовер тек электрлі болады. Нарыққа кроссовер үш нұсқада шығады, оның ішінде 99.8 мың юань (7.2 млн теңге) тұратын толық жетекті түрленімі де бар.

Жаңа өнімнің өлшемі — 4220×1915×1845 мм, дөңгелек базасы — 2735 мм. Кіру және шығу бұрышы — 43 және 41 градус, клиренсі — 210 мм. Орындық астындағы қосымша жәшікті есепке алмағанда, жүксалғыш көлемі — 744 литр.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

iCar V23-тің базалық нұсқасы 47.28 кВт⋅сағ литий-темір-фосфатты батареямен біріккен 136 ат күшіне ие электромотормен жүреді. Бұл кроссовердң жүріс қоры — 301 шақырым. Моторы сонымен бірдей, бірақ 59.93 кВт⋅сағ батареясы бар машина 401 шақырым жол жүре алады. Кроссовердің ең үздік түрленімі алдыңғы осьтегі 75 ат күшін беретін қосымша мотор және 82 киловатт батареямен жабдықталған. Ең қуатты электрокар алғашқы жүздікті 7.5 секундта еңсереді, ал жүріс қоры — 501 км.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Қырлы желдеткіш дефлекторы, үлкен реттеуіш сияқты интерьер архитектурасы машинаның ретро стильдегі сырт пішініне сай келеді, бірақ iCar V23 салоны заманауи көрінеді. Электрокар 15.4 дюймдік дисплейі мен жеті динамигі бар Snapdragon 8155 чипіне негізделген медиажүйе және электронды көмекшілер жинағымен жабдықталған.

Жаңа өнімнің ең үздік нұсқасы 139 800 юань (10 млн теңге) тұрады.