Chery жаңа Lepas суббрендін таныстырды

Ухудағы арнайы шарада Chery концерні жаңа Lepas суббрендін таныстырды, деп хабарлады «Китайские автомобили». Chery топтамасында жаңа марка Tiggo сияқты орналасады, яғни жеке модельдік топтама болады. Алғашқы Chery Lepas автомобилі туралы көп ақпарат жоқ, оның қашан жарық көретіні де белгісіз.

Chery Tiggo атауы жолбарыспен ассоциация құраса, Lepas маркасы леопард сөзін еске салады. Жаңа атау Leopard және Face сөзінен құралған. Шамасы жаңа өнімнің сұлбасында мысық тектес жануардың бейнесі болуы мүмкін.

Басылым Lepas топтамасы қазір бар Chery өнімдерінен құралатынын жазды. Тұсаукесерде концерн Lepas 8 деп аталатын алғашқы модельді көрсетті, ол — Қытайдағы Chery Tiggo 8 Plus-ке негізделген кроссовер.

1 / 3

• 
• 
• 

1 / 3

Lepas 8-дің алдыңғы бөлігі басқа радиатор торы, өзгеше жарық техникасы және жаңа бампермен ерекшеленеді. Ал интерьерде Tiggo 8-де жоқ үлкен тік дисплей болады. Сондай-ақ Lepas 8 өзгеше рөлмен мақтанады.

Chery машинаның ешқандай техникалық сипаттамасын жарияламады. Tiggo 8 Plus Қытай нарығында сәйкесінше 197 және 254 ат күшіне ие 1.6 және 2.0 литрлік екі турбомотормен жүреді. Сондай-ақ 360 ат күшін беретін гибрид күштік құрылыммен жабдықталған. Lepas 8 осы агрегаттардың бірімен жүретін шығар.

Басылым Chery Lepas модельдерін шетелге шығаруды жоспарлап отырғанын хабарлады, Ресей жаңа өнім жеткізілетін алғашқы елдердің бірі болуы мүмкін.