Chery iCar кроссоверінің қуаты екі есе артты

Chery Қытайда iCar V23 электрокроссоверінің жаңа нұсқасының алғашқы суретін жариялады. V23 S деп аталатын машина шанағындағы қызыл декор және қуатты қозғалтқышымен ерекшеленеді.

Әдеттегі iCar V23-тің Қытайда бір және екі моторлы нұсқасы сатылып жатыр. Марка модельдің S нұсқасын да осындай тәсілмен сатады. Бірақ электрокардың базалық түрленімі 136 ат күшіне ие, ал бір моторлы V23 S 245 ат күшіне ие қозғалтқышпен жүреді.

Толық жетекті кроссовердің қуаты екі есе артады: 211-ден 455 ат күшіне. V23 — шағын кроссовер. Өлшемі — 4220×1915×1845 мм, дөңгелек базасы — 2735 мм. Яғни автомобиль Lada Granta-дан да қысқа.

Машинаның техникалық жағына қатысты басқа дерек жоқ, бірақ динамикасы айтарлықтай жақсаратыны анық. Қытайлық БАҚ кроссовердің шассиі мен тежеуіші жақсаратынын болжап отыр.

Сондай-ақ iCar V23 S-тің сырт пішінінде үлкен өзгеріс болмайды. Тек шанақтағы қызыл қосымшалар, модель аты жазылған тақтайша және жылдам жүруге арналған шинасы бар жаңа дөңгелек дискісімен ерекшеленеді.

Chery iCar топтамасын Ресей нарығына шығаруды жоспарлап отыр. Ол үшін елде iCAUR деп аталатын жаңа бренд тіркелді. Компания модель атауын қайталама санкциядан қорқып өзгертті деген бейресми ақпарат бар, тағы бір болжам бойынша марка Apple-мен байланысқысы келмеген.