Chery Fulwin T9 саудаға шықпай жатып арзандады

Chery гибрид Fulwin T9 кроссоверінің құнын өзгертті. Модельдің базалық бағасы 159 900-ден 139 900 юаньға (9.75 миллионнан 8.53 миллион теңгеге) төмендеді. Бұған ықтимал гибрид иелерінің белсенді болуы әсер етті.

1 / 9

• 
• 
• 
• 
• 
• 
• 
• 
• 

1 / 9

Сәуірдің ортасында компания Fulwin T9-ға тапсырыс қабылдай бастады. Chery депозит сомасын небәрі 9.9 юань (шамамен 600 теңге) деп қойды. Өндіруші өтінім саны 20 мыңнан асса, кроссовер 20 мың юань арзандайды деп хабарлады. Компанияның Қытайдағы аудиториясы бәсекені қабылдап, Fulwin T9-ға 25 мыңнан астам тапсырыс алған.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Бұл челлендждің тағы бір кезеңі бар. Chery кроссовер бағасын тағы 5 мың юаньға түсіретінін айтты, ол үшін көлік оффлайн саудаға шыққанға дейін тапсырыс саны 40 мыңға жетуі керек. Fulwin T9 дилерлерге қашан жететіні әлі белгісіз. Алдын ала мәлімет бойынша 2024 жылдың екінші тоқсанында жолға шығады.

Ұзындығы 4795 см болатын Chery Fulwin T9-дің дөңгелек базасы — 2770 мм. Бренд алдыңғы жетекті кроссоверді 1.5 литрлік іштен жанатын қозғалтқыш пен электромотордан тұратын күштік құрылыммен жабдықтауды жоспарлап отыр. Агрегат жалпы 360 ат күші мен 530 Нм момент береді. Электр көмегімен машина 120 км жүре алады, ал жалпы жүріс қоры 1400 шақырымға жетеді.