Chery бренді Fulwin топтамасындағы жаңа флагманы туралы ақпарат бере бастағанға ұқсайды, Қытай басылымдары T11 индексті үлкен көліктің суретін жарыса жариялап жатыр. Үш моторлы күштік құрылыммен жабдықталатын автомобильді компания 30 тамызда есік ашатын Чэнду автосалонында ресми таныстырады.
Гибридтің өлшемі — 5150×1995×1800 мм, дөңгелек базасы — 3.1 метр. Fulwin T11 марканың басқа модельдеріне қарағанда
Chery Fulwin T11 бастапқыда үш қатарға жайғасқан алты кресломен сатылады. Алдыңғы төрт орындыққа жылытқыш, желдеткіш және массаж функциясын орнатады. Одан бөлек, жабдықтар тізімінде алдыңғы бөлігіндегі 30 дюймдік экран, арттағы жолаушыларға арналған 17.3 дюймдік дисплей, 23 динамик және кіріккен тоңазытқыш бар. Шатырындағы лидарынан жақсарған жүргізуші көмекшілерін алатынын аңғару қиын емес.
Күштік құрылымына келер болсақ, ол гибрид болады. Үш мотор жалпы қанша күш беретіні белгісіз, бірақ машина алғашқы жүздікті 5 секундта алады. Машина тек электр күшімен 200 км жүреді. Ал жалпы жүріс қоры — 1.4 мың шақырым.
Chery қалған мәліметті жаңа флагманның тұсаускесер барысында жария етеді.
Комментариев: 0