Chery-дің жаңа седаны Қазақстанда қанша тұрады

Astana Motors Manufacturing Kazakhstan (AMMKZ) зауыты қыркүйекте ресми іске қосылмай тұрып, кәсіпорын Arrizo 6 седанын құрастыратыны белгілі болды. Ол Omoda S5-пен бір платформаға негізделген.

Сол кезде автомобиль көлік құралының типін мақұлдау құжатын алды, бірақ басқа ақпарат шықпады. Жақында марка өкілдері шағын тизер ұсынды, ал біз көліктің толық сипаттамасы мен бағасы туралы мәлімет береміз.

1 / 8

• 
• 
• 
• 
• 
• 
• 
• 

1 / 8

Omoda S5 пен Arrizo 6-ның дөңгелек базасы бірдей — 2650 мм. Басқаша бамперлердің арқасында ұзындығы 4691 мм (S5 — 4644 мм) болды, сонымен қатар жарық техникасы жаңарды.

Машина 1.5 литрлік турбомотормен (147 а.к., 210 Нм) жүреді. Дәл осындай агрегат S5-те бар. Omoda вариатормен жабдықталса, Chery-де 6 сатылы робот (DCT) тұр.

1 / 6

• 
• 
• 
• 
• 
• 

1 / 6

Жаңа өнім Comfort деп аталатын бір ғана комплектацияда саудаланады. Бағасы — 8.5 млн теңге. Жабдықтар тізімінде алдыңғы қауіпсіздік жастығы, артқы көрініс камерасы, артқы парктроник, шина қысымын бақылау жүйесі, базалық электрондық көмекшілер және круиз-бақылау бар. Автомобиль кілтсіз ашу жүйесі, алдыңғы орындықтар, айна, рөл, әйнек пен әйнек жуғыш бүріккішін жылытқышпен жабдықталады. Цифрлық аспаптар панелі мен медиакешеннің өлшемі — 10.25 дюйм, ол алты динамиктен тұрады, Apple CarPlay және Android Auto жүйелерімен жұмыс істейді. Орындықтар қолмен реттеледі және экобылғарымен қапталады.

Omoda S5-тің дәл осындай модификациясы Prestige деп аталады және 9.5 млн теңге тұрады. Оның артқы орындықтарында жылытқыш бар.

Бренд Chery Arrizo 6-ның саудаға шығатын мерзімін ресми түрде хабарламады, бірақ 2025 жылдың аяғына дейін дилерлік орталықтарға аттануы мүмкін.