Chery-дің жаңа кроссовері Range Rover-ге ұқсайды

Қытайлық AutoHome басылымы жаңа Chery Tiggo 9 кроссоверінің камуфляжсыз фотосуретін жариялады. Жол талғамайтын көліктің алдыңғы бөлігі фирмалық стильде жасалғанымен, қырынан қарағанда жаңа өнім Range Rover-ге, әсіресе Range Rover Velar кроссоверіне қатты ұқсайды.

Флагманның алдыңғы жағы Chery-ге тән үлкен радиатор торы және Tiggo топтамасындағы өзге көліктерден таныс оптика мен бамперден тұрады.

Түзу шанақ сызығы мен артқы тіректі бойлай түсетін төбе сызығы кроссовер сұлбасын аңғартады. Chery Tiggo 9-ға «жасырын» есік тұтқасы және артқы жағына жіңішке жарықдиодты шырақ орнатылады.

Интерьер суреті әлі жарияланған жоқ. Бірақ бұрын шыққан шпиондық фотодан салонда ірі желдеткіш дефлекторы, ірі ортаңғы тоннель және үлкен қосарлы дисплей болатынын білеміз.

Кроссовер 254 ат күшіне ие 2 литрлік турботөрттікпен жүреді, ол 7 сатылы роботпен жұмыс істейді, кейінірек трансмиссия гаммасына 8 диапазонды автомат қосылады. Жол талғамайтын көлік бес және жеті орынды нұсқада сатылады. Үш қатарлы нұсқасы ғана толық жетекті болады деген ақпарат бар. Chery Tiggo 9 Қытайда келер жылдың бірінші жартысында жарық көреді.