Chery Arrizo 6 Қазақстанда саудаға шықты

30 қазанда Алматыда Chery топтамасындағы жаңа өнімнің ресми презентациясы өтті. Arrizo 6-ның мұндай түрленімі Қытайда да жоқ.

1 / 11

• 
• 
• 
• 
• 
• 
• 
• 
• 
• 
• 

1 / 11

Omoda S5-пен бір платформаны бөлісетін автомобиль «бумеранг» тәрізді күндізгі жүріс шамы және капотымен ерекшеленеді. Седан 147 ат күшін (210 Нм) беретін 1.5 литрлік турбомотормен жүреді. S5-те де осындай қозғалтқыш тұр, бірақ бренд Arrizo 6-ға вариатор орнына 6 сатылы робот орнатады.

Kolesa.kz редакциясы бұған дейін хабарлағандай, машина әзірге бір ғана комплектацияда саудаланады. Бағасы — 8.5 млн теңге. Жабдықтар тізімінде алдыңғы қауіпсіздік жастығы, артқы көрініс камерасы, артқы парктроник, шина қысымын бақылау жүйесі және базалық электрондық көмекшілер бар. Автомобиль кілтсіз ашу жүйесі, алдыңғы орындықтар, айна, рөл, әйнек пен әйнек жуғыш бүріккішін жылытқышпен жабдықталады. Цифрлық аспаптар панелі мен медиакешеннің өлшемі — 10.25 дюйм, ол алты динамиктен тұрады, Apple CarPlay және Android Auto жүйелерімен жұмыс істейді. Орындықтары экобылғарымен қапталады.

1 / 7

• 
• 
• 
• 
• 
• 
• 

1 / 7

Қаңтарда дилерлерге екінші модификациясы барады. Ол қымбат болады және люк, электр жетекті айна, айнала шолу камерасы, алдыңғы парктроник, рөл жылытқыш және климат-бақылау алады. Бағасы белгісіз.

Сауда жоспарына келсек, компания ай сайын 200–300 көлік сатуды көздеп отыр. Алғашқы Arrizo 6 иесін тауып үлгерді.