Changan UNI-T Қазақстанға келді

Компанияның UNI литералы топтамасы кеңейді. UNI-K кроссовері мен UNI-V лифтбэгіне купе тәрізді UNI-T кроссовері қосылды. Бренд бұл автомобильді алғаш рет 2017 жылы Шанхай автосалонында Yuyue концептісі ретінде көрсетті. Ал сериялық нұсқасы 2020 жылы Женева автосалонында жарық көруі керек еді, бірақ Changan оны кейінірек Қытайда ұсынды.

Елімізде ұзындығы 4.5 метр, дөңгелек базасы 2.7 метр болатын UNI-T бір комплектацияда сатылады. Ол 167 ат күшін және 280 Нм момент беретін 1.5 литрлік турбомотормен жабдықталған. Қозғалтқыш 7 сатылы роботпен жұптасады. Машина алдыңғы жетекті.

Жабдықтар тізіміне алдыңғы және бүйірлік эйрбэг, қауіпсіздік пердесі, электронды көмекшілер жинағы, айнала шолу камерасы, бейнетіркеуіш, кілтсіз ашу, алдыңғы және артқы орындықтарды, рөл, алдыңғы терезе және бүйірлік айналарды жылыту жүйелері, 10.3 дюймдік экраны және алты динамигі бар медиажүйе, цифрлы аспаптар панелі, сымсыз қуаттағыш, климат-бақылау, жаңбыр және жарық сезгектері, шынтақ тіреуіштегі салқындатқыш бокс, амбиент жарық, панорамалы шатыр және электр жетекті жүксалғыш кіреді. UNI-T-дің салоны эко-былғарымен қапталған, алдыңғы орындықтар электр жетекпен, рөл колонкасы қолмен реттеледі.

Түрлі науқан мен арнайы ұсыныстарды есептемегенде, автомобильдің бағасы — 13.4 млн теңге.

1 / 4

• 
• 
• 
• 

1 / 4

Күздің басында Changan компаниясы біздің елде Hunter пикабын, CS95 кроссоверін, кейінірек CS75 Plus моделін сата бастады. Соңғысын тек бір комплектациямен ұсынды. 2 литрлік турбомотормен және 8 сатылы автоматпен жүретін машинаның құны — 15.2 млн теңге.