Қыркүйектің басында Changan Қазақстанға келетін жаңа өнім — 820 келі жүк көтеретін толық жетекті 5.3 метрлік Hunter Plus пикабын таныстырған. Енді машинаның бағасы белгілі болды.
Hunter Plus біздің елде 226 ат күшіне ие (390 Нм) 2 литрлік бензинді турбомотормен жүреді, ол 8 сатылы автоматпен жұмыс істейді. Модель бір ғана комплектацияда қолжетімді, бірақ түс топтамасында бес түрлі реңк бар.
Hunter Plus 15.3 млн теңге тұрады, бірақ бұл арнайы ұсыныстарды есептемегендегі баға. Машина алдыңғы және бүйірлік қауіпсіздік жастығы және автоматты тежеу, жолақта ұстау, айнала шолу камерасы, тұрақ сезгегі, круиз-бақылау сияқты электронды көмекшілер жинағымен жабдықталған. Сондай-ақ пикаптың жабдықтар тізіміне кілтсіз ашу, климат-бақылау, жарық және жаңбыр сезгегі, электр көмегімен реттелетін алдыңғы кресло, жылытуға болатын алдыңғы орындық, 7.5 дюймдік цифрлы аспаптар панелі, 12.3 дюймдік экраны бар медиажүйе, алты динамигі бар аудиожүйе және т. б. кіреді.
Автомобильдің жол талғамайтын арсеналы BorgWarner компоненті бар толық жетекті жүйе, артқы дифференциалды бұғаттау, 225 мм клиренс және бірқатар арнайы басқару электроникасын қамтиды.
Комментариев: 0