Changan Nevo E07 моделі ТМД-ға келетінін растады

Компания жақында Қытайда жарық көрген ерекше Nevo E07 кроссоверін экспортқа шығаратынын растады және ол үшін ТМД алғашқы нарық болады. «Китайские автомобили / KZ» телеграм-каналы модельдің саудасы жақында басталатынын білдіретін бірнеше сурет жариялады.

Тизерден мешіт пен Changan Nevo E07-ні және «Salem CIS» деген жазуды көруге болады. Елімізге келетін модель Changan E07 деген атау алады.

Автомобиль қай елде бірінші пайда болатыны әзірге белгісіз. Бір болжам бойынша бренд экспорттық дебют ретінде Қазақстанды таңдауы мүмкін, себебі тизерде «Salem» деген сөз бар, Өзбекстан нарығын таңдауы да ықтимал.

1 / 10

• 
• 
• 
• 
• 
• 
• 
• 
• 
• 

1 / 10

Changan Nevo E07-нің басты ерекшелігі — айрықша дизайндағы кроссоверден пикапқа айналу мүмкіндігі. Мамандар E07-нің артқы бөлігіне шатырға жылжитын панель, сондай-ақ арты ашылатын борт орнатқан. Пикаптағыдай жүксалғыш бөлігі мен салон арасында арақабырға жоқ. Бәрін бүктеп, екі адамға арналған демалатын орын жасауға болады.

Өлшемдері — 5045×1996×1640 мм, дөңгелек базасы — 3120 мм, жүк бөлігі — 2880×1550 мм. Ол 300 кг жүк көтере алады. Қытайда бұл трансформер электрлі және гибрид күштік құрылыммен сатылады. Электрлі нұсқаның қозғалтқыштары 343-598 ат күшін береді, ал жүріс қоры 701 шақырымға жетеді. Базалық гибридтің артқы осіне 314 ат күшіне ие мотор орнатылса, қымбат модификацияның алдыңғы осіне 178 ат күшін беретін агрегат қосылады. 143 ат күші бар 1.5 литрлік іштен жанатын қозғалтқыш генератор ретінде жұмыс істейді.

1 / 6

• 
• 
• 
• 
• 
• 

1 / 6

Қытайда кроссовер-трансформердің бағасы 199 990 юаньнан (шамамен 13.6 млн теңге) басталады. Бұл Қазақстандағы Changan Uni-K кроссоверінің бастапқы құнынан шамамен бір миллион теңге арзан.