Changan кроссовер-трансформерін таныстырды

Қытайлық Changan Чунцинде өткен ғылыми-технологиялық конференциясында трансформер моделін көрсетті. Электрлі жаңа көлік CD701 деп аталады.

1 / 5

• 
• 
• 
• 
• 

1 / 5

Автомобиль сырттай артқы жағы ерекше кросс-купе сияқты көрінеді. Модельдің басты ерекшелігі де осында. CD701 — пикап пен кроссовердің қосындысы. Жүк салатын жерді жауып тұрған әйнек бөлімі алға жылжиды, ал артқы жағының бір бөлігі ашылатын борт түрінде жасалған. Өндіруші осылайша электромобильдің жүк көтеру мүмкіндігін арттырып, клиенттерге табиғатқа шыққанда көлікті бірнеше мақсатта пайдалануға мүмкіндік жасап отыр.

Концептінің салоны заманауи электрокарларға тән стильде әрленген: медиажүйенің ірі экраны, атмосфералы жарық, сымсыз қуаттағыштың орны бар ортаңғы консоль тұр және үйреншікті аспаптар панелі жоқ. Соған қарағанда аспаптар панелінің қызметін проекциялық экран атқарып тұрған сияқты. Changan интерьердің бірнеше түрі болатынын мәлімдеді.

1 / 7

• 
• 
• 
• 
• 
• 
• 

1 / 7

CD701 қазір концепт болса да, жергілікті БАҚ 2024 жылы шоукардың сериялық нұсқасы жарыққа шығады деген ақпарат таратты. Болжам бойынша оны E0 деп атайды.