Century бөлек бренд болады

Century тарихы 1967 жылдан басталады, ол Toyota-ның премиум жеңіл автомобильдер сегментіндегі өкілі болды.

Бұл атау автоөндірісте әлдеқайда ерте, соғысқа дейін Buick-те пайда болған. Жапондар Century ғана емес, Mark (Jaguar, Lincoln) немесе Crown (Chrysler Imperial) сияқты танымал автомобиль атауларын пайдаланды.

Toyota Century-ді өз модельдерінің бірі ретінде ғана қарастырып келді. Осы атаумен шығатын машина топтамасы көбейгендіктен, оны бөлек бренд ретінде құруды жоспарлап отыр, ол Toyota-ның корпоративтік иерархиясында Lexus-тен жоғары тұрады.

1 / 7

• 
• 
• 
• 
• 
• 
• 

1 / 7

Toyota белгісін тақпайтын Century кроссовері ультралюкс марканың алғашқы моделі болады, оның ізін басқа модельдер жалғастырады. Бұл туралы Токио автосалонында Toyota басшыларының бірі Forbes-ке бейресми түрде хабарлады.

Century имиджін қалыптастыру жұмысы ертерек басталған, енді қаржы құю ғана қалды. Toyota сәнді Century-ді өз елінен бөлек, Таяу Шығыс, Еуропа және Америка сияқты шетелге экспорттауды жоспарлап отыр. Бағасы 170–200 мың доллардың аралығында болады.