Ford өз отанында седан өндірісін тоқтатты, GM тек Malibu моделін құрастырады. Бірақ Toyota төрт есікті жеңіл көліктерден бас тартпайды, қайта қазіргі модельдерді түрлендіріп, жаңа машиналар жасау үшін қаржы жұмсауға ниетті. Бұл туралы Carscoops хабарлады.
Жапониялық компанияның басшылығы өндіріс желісінің құрылымын біртіндеп өзгертіп жатыр, бұған жақында Corolla және Crown секілді «жеңіл көлік» атауымен жарық көрген кроссоверлер дәлел бола алады. Бірақ автоөндіруші бұл сегменттен толықтай бас тартпайды. Toyota клиенттерінің талғамы мен қалауын үнемі бақылап отырады. Сондықтан олар машина сатып аларда жол талғамайтын көлікке қарағанда жанға жайлы седанды таңдайтын жүргізушілер мен марканы қолдаушылар көп екенін біледі.
АҚШ-тағы жаңа көлік нарығының соңғы статистикасы Toyota-ның дұрыс бағыт таңдағанын көрсетті. Көп сатылған көліктер тізімінде Camry мен Corolla үздік бестіктегі орнын сақтап қалды. Тек тұрақты көшбасшы Ford F-Series пен RAV4, CR-V секілді танымал жол талғамайтын машиналардан кейін тұр.
Комментариев: 0