Cadillac енді XT6 кроссоверін шығармайды

Компания XT6 моделінің өндірісін тоқтатады. Бұл туралы алғаш рет CNBC арнасы хабарлаған, кейін брендтің ресми өкілдері CarBuzz басылымы арқылы ақпаратты растады. Теннесси штатындағы Спринг-Хилл зауытында жасалатын көлік биыл конвейерден алынады.

1 / 7

• 
• 
• 
• 
• 
• 
• 

1 / 7

XT6-ның нақты ізбасары болмайды, бірақ топтамадағы орны бос қалмайды. Бұл сегментте электрлі Vistiq сатылады.

XT6 алғаш рет 2019 жылы жарық көрді, содан бері АҚШ-та аса өзгермей шығып келді. Автомобиль 237 ат күшін беретін 2 литрлік турбомотормен немесе 310 ат күшіне ие 3.6 литрлік V6-мен жүреді. Қарапайым нұсқалары алдыңғы жетекті, қымбат комплектацияда толық жетек жүйесі бар.

1 / 6

• 
• 
• 
• 
• 
• 

1 / 6

Модель отанында бестселлер бола алмады. 2020 жылдан бері жыл сайын шамамен 20 мың данасы саудаланған, осылайша бұл машина Cadillac топтамасындағы көп сұралмайтын кроссоверлердің біріне айналды.

XT6 біздің елде де бар. Турбомоторлы нұсқаның құны 37.9 млн теңгеден басталады. Сұраныс жоғары емес: былтыр небәрі 18 көлік өз иесін тапты.