Face ID опционалды функциясы шанақтың ортаңғы тіреуіне орнатылған. Көлік иесі жақындаған кезде ол Bluetooth арқылы оның смартфонындағы сигналды қабылдап, адамның бетін сканерлейді де есікті бұғаттан шығарады және машинаны оталдырып, қозғалтқышты батырмамен қосуға мүмкіндік береді.
Face ID құпиясөз бен саусақ іздері арқылы да жұмыс істейді. Жүйе сегіз адамның бірегей дерегін сақтауға қабілетті. Кілтсіз ашу функциясы тәулік мезгілі мен ауа райына бағынышты емес. Оны орнатқысы келетіндердің 10 мың юань, яғни 624 мың теңгеге жуық қаражат жұмсауына тура келеді. Ал машинаның өзі 259 700 юань (16.18 млн тг) тұрады.
Cadillac XT4-тің Қытайда сатылып жатқанына үш жыл болды. Жергілікті Shanghai-GM кәсіпорнында құрастырылатын толық жетекті автокөлік 9 сатылы автоматпен жұмыс істейтін 237 ат күшін беретін 2 литрлік 4 цилиндрлі турбомотормен жабдықталады.
Cadillac XT4 Қазақстанға жеткізілген емес, біздің елдегі ресми дилер Cadillac XT5, XT6, Escalade және Escalade ES сатумен айналысады.
Комментариев: 0