Cadillac компаниясы Қытай нарығына арнап өзіне таңсық шанақта көлік жасайды. Ол шағын кросс-купе мен көтеріңкі хетчбэк арасындағы шанақ. Жергілікті өнеркәсіп министрлігі берген мәлімет бойынша Cadillac GT4-ке қуаты әртүрлі екі бензинді турбомотор орнатады.
Жаһандық E2XX платформасына негізделетін көлік XT4 кроссоверіне ұқсайды, бірақ одан кәдімгідей аласа (биіктігі — 1535 мм, XT4-тікі — 1627 мм). Дөңгелек базасы — 2.8 м.
Жаңа машинаның оптикасы жіңішке, радиатор торы жақтаусыз болады. Шанақтың артқы тіреуі хром қондырмалармен әрленеді. Моторы қуатты нұсқасы шанақ түсімен, күңгірт элементтерімен, жақсырақ спойлерімен және газ шығаратын төрт келтеқұбырымен ерекшеленеді.
204 ат күшін беретін 1.5 литрлік турбомоторы бар Cadillac GT4 Luxury жылдамдығын 205 шақырымға дейін арттырады. 2.0 литрлік ірілеу қозғалтқышпен жабдықталатын GT4 Sport түрленімі 230 ат күшіне ие, соның арқасында модель 5 км жылдам қозғалады.
Қытайдағы SAIC-GM біріккен кәсіпорнында жасалатын бес есікті көлік келер жылы сатыла бастайды. Мұнда оған Audi Q3, BMW X1 және Mercedes-Benz GLA модельдері бәсекелес болады. Кросс-хетчті басқа елдерге экспорттау компания жоспарында жоқ.
Комментариев: 0