Cadillac Escalade оқ өтпейтін Rezvani-ге айналды

Сериялы автомобильдің экстравагантты түрленімін жасайтын Rezvani компаниясы жаңа жобасын көрсетті. Ол Arsenal деп аталды, стандарт Cadillac Escalade-қа негізделген, бірақ одан сырт пішіні және оқ өткізбейтін «жабын» сияқты бірқатар опциясымен ерекшеленеді.

Мысалы, Rezvani Tank-тың сырт пішіні өзі негізделген Jeep Wrangler-ден айтарлықтай өзгеше болса, ал Rezvani Arsenal донорға аздап ұқсайды. Компания әдеттегі дизайн стилінен бас тартып, біршама консервативті модель жасауға күш салған.

1 / 9

• 
• 
• 
• 
• 
• 
• 
• 
• 

1 / 9

Arsenal дөңес капоты мен ірі бампері бар алдыңғы бөлігі, ерекше артқы тірегі және динамикалық төбе сызығы бар өз дизайнымен мақтанады. Arsenal 35 дюймдік шинаға қапталған 22 дюймдік дөңгелек дискісімен жүреді. Rezvani жол талғамайтын көліктің салонын өзгерткен жоқ, жаңа өнім Escalade-тың барлық опциясын сақтап қалды.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Rezvani опция ретінде Arsenal-ға Military Edition пакетін ұсынады. Оған оқ өткізбейтін әйнек және композит материалдан жасалған бронды капсула, төзімді шина, электромагнитті шабуылдардан қорғау жүйесі, түтін шығару функциясы (Smoke screen) және т.б. кіреді. Сондай-ақ Arsenal мықты аспамен жабдықталған. Демек АК-47-мен атқылап жатса да, машина ішінде отыра беруге болады.

Басқа жобалардан айырмашылығы, Rezvani инженерлері машинаның күштік құрылымын өзгерткен жоқ. Arsenal кәдімгі Escalade-тың 460-700 ат күшіне ие сегіз цилиндрлі моторымен немесе 280 күші бар алты цилиндрлі дизельді мотормен жүреді. Rezvani бұған дейін де Escalade-қа негізделген жол талғамайтын көлік жасаған. Vengeance деп аталатын машина экстремалды дизайнмен ерекешеленеді әрі 60 мың доллар қымбат тұрады.