Бұрынғы Alpina мамандары BMW M5 Touring-ті әрледі

Қазір Alpina брендінің құқығы BMW-ге тиесілі, бірақ компанияның негізін қалаған Бовензипен отбасы қол қусырып қарап отырған жоқ. Былтыр мамырда Андреас пен Флориан Бовензипендер жаңа Bovensiepen маркасын құрғанын жариялап, 4-сериялы BMW-ге негізделген Zagato купесін көрсеткен. Енді екінші модель — M5 Touring-ке негізделген 05 GT универсалы жарық көрді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

05 GT сырттай аса агрессивті емес бастырық және 21 дюймдік фирмалық дөңгелек дискісімен ерекшеленеді. Автомобильдің жаңа сұлбасын танымал дизайнер Фрэнк Стивенсон сызған. Ол 2000 жылдардың басында қайта жаңғырған Mini мен бірінші буындағы BMW X5-ті әзірлеген.

1 / 7

• 
• 
• 
• 
• 
• 
• 

1 / 7

Модельдің интерьер архитектурасында өзгеріс жоқ. Бірақ 05 GT салоны қымбат Lavalina былғарысымен қапталған.

Шеберлер M5-тің гибрид қосымшасы бар 4.4 литрлік V8 моторын аздап жақсартқан. Нәтижесінде күштік құрылымның қуаты 727 ат күшінен (1000 Нм) 800 ат күшіне (1100 Нм) артты. Сондай-ақ компания инженерлері машина аспасын өзгертіп, жаңа тірек пен серіппе орнатқан.

Bovensiepen 05 GT 2026 жылдың IV тоқсанында саудаға шығады. Бағасы 198 900 еуродан (112.5 млн теңге) басталады.