Өткен күзде танымал жүргізуші Британияда ең жақсы машиналарды таңдау шарасына қатысты. Сонда Джереми Кларксон Bentley Continental GT V8 халықтық автокөлік деп атап, британиялық компанияның Volkswagen концерніне тиесілі екенін және сол үшін де халықтық көлік атануына негіз барын айтқан еді. Одан бөлек, ол тұратын жерде бәрі «бентли» мінеді екен.
Bentley-дің жылдық есебі Кларксонның сөзін растады: 2019 жылдың ең танымал маркасы болып жаңа «Гран-Турер» Continental GT танылды. Ол сатылған көлік саны бойынша Bentayga-ның алдын орап кеткен. Екі үлгінің тиражы бойынша нақты мысал келтірілмейді, бірақ олардың сатылымы 54 және 18 %-ға артты. Бір жыл ішінде Bentley 11 006 дана көлік сатқан, бұл алдыңғы көрсеткіштен 5 %-ға жоғары.
Bentley үшін Солтүстік және Оңтүстік Америка (2 913 автокөлік сатылған), Еуропа (2 670 дана) және Қытай (1 940) негізгі нарық саналады.
Rolls-Royce компаниясы да 2019 жылға қорытынды жасап, әлемнің елу еліне 5 152 көлік сатқанын мәлімдеді, бұл 2018 жылмен салыстырғанда 25 %-ға жоғары! Марка тарихында ең көп сатылатын үлгі атанған Rolls-Royce-тың алғашқы кроссовері — Cullinan. Базалық көліктің бағасы 330 мың доллар, бірақ клиенттердің басым бөлігі 400 мың тұратын анағұрлым жақсы жабдықталған нұсқасын таңдайды екен.
Тіркеу нәтижелеріне сүйенсек, Қазақстанда 12 Bentley мен 2 Rolls-Royce Cullinan бар.
Комментариев: 0