Былтыр жүргізушілер қай ақылы жолдарды жиі пайдаланды

Елде ақылы жолдардың жалпы ұзындығы шамамен бес мың шақырымға (4883 км) жетеді. Олар 26 бөліктен тұрады, бірақ арасында халық сирек қолданған бағыттар бар. «Қазавтожол» ҰК ақылы жолдардың статистикасын жариялады.

Тұрғындар мен қонақтар былтыр қаңтар мен желтоқсан аралығында ақылы трассаларда 74 млн сапар жасаған. Компания есебінше ең танымал бағыт — Алматы мен Қонаев арасындағы 42 шақырымдық бөлік (12 айда 11.8 млн сапар).

Екінші орында Шымкент — Өзбекстан шекарасы тұр. Мұнда жүргізушілер жыл ішінде 9.3 млн рет жүрген. Үштікті Шымкент пен Тараз арасындағы жол (6.5 млн сапар) түйіндеді.

Үздік бестікке Тараз — Қайнар (5.4 млн) және Шымкент — Қызылорда (4.8 млн) трассалары кірді.

Ақылы жолдардың сапар саны бойынша рейтингі

1. Алматы — Қонаев — 11.8 млн;
2. Шымкент — Өзбекстан шекарасы — 9.3 млн;
3. Шымкент — Тараз — 6.5 млн;
4. Тараз — Қайнар — 5.4 млн;
5. Шымкент — Қызылорда — 4.8 млн;
6. Астана — Теміртау — 4.4 млн;
7. Қонаев — Талдықорған — 3.9 млн;
8. Астана — Щучинск — 3.7 млн;
9. Щучинск — Көкшетау — 3.2 млн;
10. Астана — Павлодар — 2.5 млн;
11. Алматы — Қорғас — 2.5 млн;
12. Қостанай — Денисовка — 1.9 млн;
13. Таразды айналып өтетін жол (Қайнар — Шымкент) — 1.9 млн;
14. Қызылорда — Арал — 1.8 млн;
15. Көкшетау — Петропавл — 1.7 млн;
16. Балқаш — Бурылбайтал — 1.4 млн;
17. Павлодар — Семей — Қалбатау — 1.3 млн;
18. Ақтөбе — Ресей шекарасы (Орынбор) — 1.3 млн;
19. Павлодар — Ресей шекарасы (Омбы бағыты) — 856 мың;
20. Қостанай — Ресей шекарасы (Троицк бағыты) — 831 мың;
21. Орал — Ресей шекарасы (Самара бағыты) — 774 мың;
22. Шу — Бурылбайтал — 707 мың;
23. Қандыағаш — Мақат — 583 мың;
24. Орал — Ресей шекарасы (Саратов бағыты) — 570 мың;
25. Бейнеу — Ақжігіт (Өзбекстан шекарасы) — 163 мың;
26. Үшарал — Достық — 101 мың.